NUS SA KAMPONG
Di nus sa kampong na Banda Praya,
Jenti Kristang tudu fikah.
Porta kaza sempri abrih,
Di dia atih atadi.
Nus sa kampong,
Gardah bong bong,
Fazeh sibrisu, ku bringkah,
Isti kampong tengah.
Di nus sa kampong na padri sa cang,
Teng mas tantu jenti Kristang.
Kaza abo petu na mar,
Omi tudu ja bai peskah.
Nus sa kampong,
Gardah bong bong,
Fazeh sibrisu, bringkah alegrah,
Kampong nus sa biz.


KI TA KUZEH? KI TA KUZEH?
Ki ta kuzeh?
Fugang cerozu,
Belanga na riba fogu,
Aros brangku, kari seku
Nang bergonya!
Beng kumih juntadu.
Ki ta kuzeh?
Keng sa ropa?
Bunitu sa panu, bunitu sa klor
Mama kung Papa kuntenti,
Rozil ta kazah kung Lu,
Ropa ki yo ta kuzeh desah sai retu.

MALAKA JA FIKA SEKU
Ungua peu di cua ta kaih!
Mas, bong! Kauzu Malaka ja fikah seku.
Undi jah bai tudu agu?
Tudu kazaporta ja fikah picadu.
Jenti kampong ta fikah raiba,
Kada dia sperah na rua,
Omi ku femi, krensa ku belu,
Tudu ta brigah kauzu agu.
Baldi di tudu klor teng na rua,
Nenang kuzeh! Aros na fugang mas krua.
Undi isti lori-lori ku agu?
Ozindia sertu logu teng agu klaru.